Qərbi Kaspi Universiteti Elmi Kitabxanası Universitetin təlim, tədris və elmi-tədqiqat işlərinin aparılmasına dəstək məqsədilə İstiqlaliyyət 31, Əhməd Rəcəbli 21 və Həsənoğlu 6 ünvanlarında yerləşən hər üç filialda fəaliyyət göstərir.

Müxtəlif elmi mövzular üzrə çap və elektron versiyada mövcud materialların geniş araşdırılması, eləcə də kitabxana-informasiya sisteminə və məlumat bazalarına giriş və onlayn istifadəni təmin etmək kitabxananın əsas hədəflərindəndir.

Kitabxana heyəti aşağıdakı xidmətləri təqdim edir:

• lazımi informasiya və ya materialın axtarışı və istifadəsinin təşkil olunması,
• kitabxana sorğularının elektron poçt yaxud oxu zalında operativ cavablandırılması,
• tədris və tədqiqat məqsədilə Universitetin informasiya mənbələrinə olan ehtiyacının müəyyənləşdirilməsi,  
• yeni nəşrlər əldə etməklə kitabxana fondunun zənginləşdirilməsi,
• jurnal və kitab bazalarına ehtiyacın müəyyənləşdirilməsi və abunənin təşkili,
• mövcud və yeni materialların təbliğatının təşkili, 
• kitab sərgilərinin və kitabxana tədbirlərinin təşkili,
• mənbələrə giriş və materiallardan düzgün və hüquqi istifadənin təmin edilməsi.